Fundarstjóri
Góðir félagsmenn
Árið 2009 var viðburðarríkt hjá Samtökum fjárfesta. Árið bar þess merki að það var árið eftir 2008, verkefni ársins voru að sjálfsögðu eftirmálar þess hruns sem varð á fjármálamarkaði.
Rétt er að rifja það upp hver eru markmið Samtaka fjáresta:
 Efla skilning á gildi sparnaðar fyrir einstaklinga og þjóðfélagið í heild.
 Koma fram fyrir hönd hlutabréfa- og sparifjáreigenda gagnvart stjórnvöldum, stjórn¬mála¬mönnum, peningastofnunum, útgefendum hlutabréfa og annarra verðbréfa og öðrum aðilum í ræðu og riti til að sporna gegn hvers konar aðgerðum, sem eru til þess fallnar að rýra hag almennra hlutabréfa- og sparifjáreigenda.
 Knýja á um virkt eftirlit með því að hagsmuna smærri hluthafa í almenningshlutafélögum sé gætt í hvívetna og tryggt að þeim sé ekki mismunað til tjóns af þeim sem fara með stjórn félaga hverju sinni.
 Veita stjórn og stjórnendum almenningshlutafélaga uppbyggilegt aðhald með fyrirspurnum og tillögugerð á aðalfundum, m.a. um starfskjör og kaupréttarheimildir æðstu stjórnenda.
 Hafa vakandi auga með því, að reglur um verðbréfaviðskipti séu virtar m.a. hvað varðar innherjasvik, ekki síst í tengslum við gagnkvæm eignatengsl.
 Kæra ætluð brot á lögum eða reglum eða eftir atvikum reka í eigin nafni eða annarra að reka dómsmál til tryggingar því, að lögbundin réttindi félagsmanna séu virt, m.a. í samskiptum við stjórnvöld.
 Efla samband og samtakamátt hlutabréfa- og sparifjáreigenda m.a. með aðild að alþjóð¬legum samtökum fjárfesta.
Á liðnu ári komu 2 góðir gestir í heimsókn erlendis frá. Það voru þeir William K Black prófessor við Háskólann í Kansas City í Missouri og Thormod Hermansen, fyrrverandi forstjóri Telonor.
William Black er þekktastur fyrir bók sína,“The Best Way To Robe a Bank is to Own One“. William hélt einn fyrirlestur hér þann 10. maí á liðnu ári. Hann ræddi við marga áhrifamenn og ráðherra á meðan á heimsókn hans stóð. Hann er væntanlegur aftur næsta laugardag og mun dvelja hér í næstu viku og flytja tvo fyrirlestra.
Í lok ágúst kom Thormod Hermansen, áður forstjóri Telnor. Thormod Hermansen var ráðgjafi stjórnvalda við endurskipulagningu bankakerfisins og höfundur fyrirkomulags með Bankasýslu ríkisins til að fara með eignarhald á hlut ríkisins í bönkunum eftir endurreisn þeirra.
Sá er hér stendur tók þátt í starfi tveggja nefnda á vegum Viðskiptaráðuneytisins um endurskoðun laga á fjármálamarkaði.
Það var frumvarp til laga um breyting á lögum um fjármálastofnanir. Þar var verkefnið að fjalla um efni sem bent var á í skýrslu Kaarlo Jännäri um veikleika í íslenskum fjármálastofnunum.
Helstu atriði frumvarpsins fjalla um:
• Eigið fé fjármálafyrirtækja
• Veðsetningar og veðtökur á hlutabréfum í fjármálafyrirtækjum
• Heimildir til að stunda óskyldan rekstur.
• Reglur um stórar áhættuskuldbindingar.
• Hæfisskilyrði stjórnenda.
Það var einnig frumvarp til laga um breyting á lögum um verðbréfasjóði. Verkefnið þar var einnig að herða á ákvæðum um eignir verðbréfasjóða. Þar var farið að tillögum Kaarlo Jännäri og fleiri um breytingar.
Síðast en ekki síst reyndi framkvæmdastjóri Samtaka fjárfesta að benda á ranghugmyndir við skattlagningu fjareignatekna í tvö skipti á liðnu ári þegar skattar á fjáreignatekjur voru hækkaðir, fyrst úr 10% í 15% og síðan í 18%.
Læt ég hér fylgja yfirlit um raun skattlagningu fjáreignatekna miðað við mismunandi raunvexti og verðbólgu.
Framkvæmdastjóri hélt fleiri erindi en tölu verður á komið um hrun á fjármálamarkaði á árinu, á höfuðborgarsvæðinu og um allt land. Þar var reynt að benda á hagsmuni sparifjáreigenda í uppbyggingu á fjármálamarkaði. Flestir fundir úti á landi voru haldnir í samstarfi við verkalýðsfélög og kirkjuna. Með í þeim ferðum var Stefán Einar Stefánsson, viðskiptasiðfræðingur.
Framkvæmdastjóri sótti fjóra fundi á vegum Euroshareholders á liðnu ári.
Það er alveg ljóst að baráttumál samtakana eins og þau koma fram í samþykktum þeirra eru enn í fullu gildi og haldið verður áfram að berjast fyrir árangri sviði löggjafar, skattlagningar og annarra þeirra þátta er sparifjáreignendur varða.